2.flokkur Aftureldingar / Hvíti Riddarinn

Mánudagur

Sat, 19 May 2012 15:19:55 GMT

Æfingin á mánudag verður á gervigrasinu kl.18:30

Sjáumst sprækir þá

Þjálfarar

Varmá íþróttahús

Thu, 17 May 2012 23:36:57 GMT

sælir strákar ATH sjá blog um dómarstaörf og Tungubakkaæfingu neðar......

við þurfum að biðja ykkur um smá aðstoð á morgun, föstudag, beint eftir æfingu.

Rölta við á Varmá íþróttahúsi í sal 1 og hjálpa til við að setja upp svið og eitthvað smá stöff í viðbót.

mikilvægt að þið mætið allir nema þeir sem eru að dæma leikina.

svo styttist í að við þurfum að mæta á Reykjalund að þvo glugga, fengum fyrirfram greitt fyrir það fyrir Liverpool ferðina. klárum það verkefni í næstu viku

hanna

Dómarastörf föstudag

Thu, 17 May 2012 21:20:41 GMT

Sælir

Hér koma næstu dómarastörf. Á allra næstu dögum mun liggja fyrir dómaraplan fyrir allt sumarið þar sem þið munuð sjá alla ykkar leiki sem þið eruð skráðir á.

Föstudagur 18.maí 3.fl karla A lið Afturelding-Fjarðabyggð 17:30

Aðstoðardómari 1: Eiríkur Aðstoðardómari 2: Stefán Óli

Föstudagur 18.maí 3.fl karla B lið Afturelding-Leiknir 19:00

Aðstoðardómari 1: Jón Fannar Aðstoðardómari 2: Kató

Þeir sem ekki komast á þessum tíma þurfa að finna mann í sinn stað

Stefán Óli og Eiríkur missa af æfingunni á Tungubökkum en þess í stað eru þeir boðaðir á laugardag með Hvíta Riddaranum kl.12:30

Föstudagur

Thu, 17 May 2012 18:08:12 GMT

Það verður ekki leikur gegn Þór á morgun. Hann frestast fram í júlí

Æfing hjá öllum á Tungubökkum föstudag kl.17:30

Miðvikudagur 18:30 - 20:00

Tue, 15 May 2012 22:34:30 GMT

Æfingin skapar meistarann

menn geta svo kíkt við á Varmárvelli eftir æfinguna

bikarleikur hjá meistaraflokki

Afturelding - Kári

kl 20.00

Úff

Tue, 15 May 2012 22:31:18 GMT

Hvað getur maður sagt um fyrsta leik Íslandsmótsins? Flottar fyrstu 10-15 mín hjá okkur og við stjórnum ferðinni og ÍR-ingar ná ekki 3 sendingum í röð. ÍR-ingar vinna sig inn í leikinn og við hreinlega hættum að spila fótbolta. Menn bjóða sig ekki - hugmyndaleysi fram á við - óheppni fram á við....

Við töpum boltanum aulalega á miðjunni og ÍR-ingar refsa 1-0

Frábært samspil TT og Elvars en Elvari bregst bogalistin upp við mark ÍR

Leikmaður ÍR vinnur boltann á okkar varnarþriðjungi með því að sýna Bigga takkana og mark til heimamanna 2-0. Fáránlegt að dómarinn skuli ekki flauta brot á þetta enda augljóst að takkarnir fara á undan.

Farið yfir málin í hálfleik en tilfinningin var samt ekki góð eftir hálfleikinn enda fannst manni vanta neista í augu manna og þó rætt hafi verið um mikilvægi þriðja marksins í 2-0 stöðu ákveðum við að auka hallann á hlaupabretttinu og lendum 3-0 undir eftir 1 mínútu af síðari hálfleik.

Áfram halda ÍR-ingar að sækja hratt og klafsa inn fjórða markinu.

Anton ver svo víti glæsilega

Elvar með aukaspyrnu af 25 metra færi og spyrnan er FIRNAFÖST og gjörsamlega í samskeytunum og niður á jörðu, annaðhvort á línuna eða rétt fyrir innan/utan en heppnin er ekki með okkur. Stórkostlegt spyrna engu að síður. Við eigum samt sem áður að fylgja þessu eftir og erum ekki á tánum.

Niðurstaðan er 4-0 tap og tapið hefði getað orðið stærra.

Menn hafa fengið hrós en verða að geta tekið gagnrýni eins og hrósi. Frammistaða dagsins var einfaldlega slök hjá okkur. Fáum klaufaleg mörk á okkur. Þeir komast of auðveldlega bakvið bakverðina okkar. Miðjan var ekki nógu skapandi og boltinn tapaðist allt of oft á miðsvæðinu og það virtist ekkert hugmyndaflug vera í leik okkar. Sóknarlínan var skásti partur leiksins og Elvar og TT áttu ágætisrispur í samspili og voru okkar skástu menn ásamt Tona sem bjargaði okkur nokkrum sinnum t.d. með því að verja víti. Þið verðið ekki dæmdir af þessari frammistöðu enda vitum við þjálfarar að þið eruð klössum betri leikmenn en þið náðuð að sýna þeim sem mættu á Hertz völlinn í dag.

Ég biðst velvirðingar á því að það kom ekki umfjöllun um FH leikina. Ég stend í flutningum og það hefur verið mikið að gera í vinnu svo lítill frítími gefist að undanförnu. Við áttum samt sem áður mjög góðar rispur í þeim leikjum og bæði þjálfarar og leikmenn virtust nokkuð sáttir með frammistöðuna gegn Fimleikafélaginu burtséð frá úrslitum.

Það hefur verið stígandi í okkar leik að undanförnu en svo brotlendum við gjörsamlega í fyrsta leik Íslandsmótsins. Við setjum tóninn núna piltar og þjöppum okkur saman á næstu æfingum. Við höldum trú á hvor aðra og höldum áfram að vinna í okkar leik og bæta okkur og úrslitin munu fylgja með erfiðisvinnu og dugnaði. Við töpum saman og sigrum saman - og saman vinnum við að því að sigrarnir verði fleiri en töpin.

Áfram Afturelding!

Þriðjudagur - A-lið spilar við ÍR

Mon, 14 May 2012 22:48:42 GMT

Mæting stundvíslega 17:00 í Breiðholt - Leikar hefjast 18:00

Sá sem er með búninga má gefa sig fram og taka þá með sér í leikinn, ilmandi hreina.

Hópurinn:

Anton

SÓ

Marri

Tobbi

Sindri (f)

Magni

Ægir

Valli

Trausti
Elvar Ingi

Biggi

Kalli

Viktor

Halli

Aðrir taka fimmtudagsprógramm þar sem ég mun ekki geta stýrt þriðjudagsæfingu í íþróttasalnum. Komment þegar það er búið.

Mánudagur - 18:30 - 20:00

Mon, 14 May 2012 10:51:53 GMT

Að lokinni æfingu verður haldinn stuttur fundur - max hálftími.

Umfjöllun um FH leikina kemur síðar í dag

Laugardagur - Leikir við FH

Fri, 11 May 2012 23:20:25 GMT

A-lið mætir 14:00 í klefann að Varmá - Leikur hefst 15:00

Hópurinn:

Axel

SÓ

Magni

Tobbi

Sindri (f)

Arnór Snær

Ægir

Valli

Trausti

Elvar Ingi

--------------

Fannar Hall

Marri

Biggi

Kalli

B-lið mætir 15:30 í klefann að Varmá - Leikur hefst 16:30

Hópurinn:

Darri

Gunnar Birgis

Marri (f)

Kalli

Eiríkur

Kató

Fannar Freyr

Biggi

Fannar Hall

Tvíburarnir

Jón Fannar

Föstudagur - 18:30 - 19:45

Fri, 11 May 2012 14:04:45 GMT

Svo er Mfl leikur á Varmá Stadium kl 20:00 og þar er skyldumæting og menn öskra sig hása í stuðning við klúbbinn þar sem grænklæddir suðurnesjamenn verða sendir stiga- og reisnarlausir heim til sín.

meistaraflokksleikur á Varmá

Thu, 10 May 2012 21:03:07 GMT

föstudaginn 11.maí kl 20.00

Afturelding - Njarðvík

fyrsti leikur í Íslandsmótinu 2012

mætum og smölum með okkur

áfram Afturelding

Hanna

Fimmtudagur - Elding og hlaupabraut

Wed, 09 May 2012 23:45:15 GMT

Fylgið prógramminu og farið svo út á hlaupabraut og verið grimmir í sprettunum því þeir gefa.

Muna að 200 metra skokkið á milli spretta á að vera löturhægt svo að þið séuð að ná ca mínútu hvíld á milli spretta.

Kommentið svo því til staðfestingar að þetta sé búið.

Leikirnir gegn FH verða á laugardag kl.15:00 og 16:30. Hóparnir koma inn eftir æfing á morgun föstudag

Miðvikudagur 18:30 - 20:00

Tue, 08 May 2012 22:04:37 GMT

Hrikalega sáttur með mætinguna í kvöld piltar og vona að þeir sem mættu hafi haft gaman af.

Þetta eru góðar og gagnlegar æfingar og þeir sem stunda þær vel munu græða á þessu.

Svo þarf einnig að vera duglegur á fimmtudagsæfingunum og ég treysti ykkur til að massa þá æfingu sjálfir og vera heiðarlegir þegar þið kommentið því til staðfestingar.

Það er æfing að vanda á morgun, miðvikudag, 18:30 - 20:00, en mig vantar einhverja 3 algjöra fagmenn til þess að sjá um dómgæslu fyrir mig í æfingaleik hjá 3.flokki sem hefst strax eftir æfinguna eða kl 20:00 og leikurinn er þá búinn 21:30.

Eru einhverjir 3 sem geta tekið þetta að sér fyrir mig?

Sjáumst á morgun

Þriðjudagur - Salur 2 - 19:45 - 20:45

Tue, 08 May 2012 14:39:36 GMT

Mæta stundvíslega og vera klárir að byrja upphitun á slaginu 19:45 á meðan ég stilli upp æfingunum og svo er keyrt beint af stað. Höfum bara klukkutíma í salnum og hver mínúta telur.

Fyrirkomulagið er þannig að þetta eru 10 stöðvar.
Hver stöð tekur 3 mín og það er 1 mín í hvíld eftir hverja stöð.
Það tekur því 40 mín að fara í gegnum þessar 10 stöðvar.
15 mín fara í upphitun og ég stilli upp stöðvunum á meðan og svo fara síðustu 5 mín í að skokka sig niður og teygja á meðan ég geng frá stöðvunum.

Eins og þið sjáið er hver einasta mínúta í þessum klukkutíma skipulögð og því ítreka ég að vera tilbúnir 19:45 fyrir utan sal 2.

Innanhússkór eða berfættur - ykkar er valið.

Mánudagur - 18:30 - 20:00

Mon, 07 May 2012 16:44:37 GMT

Hugur flokksins er hjá Palla þessa dagana en hann braut dálksbeinið í sköflung eftir stamstuð við Skagamann um helgina. Palli þarf að fara í aðgerð og mun vera lengi frá og ólíklegt að hann taki þátt í Íslandsmótinu...sem leikmaður. Palli mun að sjálfsögðu vera viðloðandi hópinn og verður þjálfurum og leikmönnum innanhandar enda mikilvægur hlekkur í flokknum.

Ljóst er að endurhæfing og bati eftir svona meiðsl er langt og strangt ferli og því mikilvægt að við stöndum með Palla í gegnum það. Ég mun svo persónulega aðstoða Palla við að komast í form og styrkjast eftir að sjúkraþjálfun hans lýkur svo hann raði inn mörkum sumarið 2013.

Sjáumst í kvöld.

Umfjöllun um Skagaleikinn er í færslunni hér að neðan