Selfyssingar mættu í Mosfellsbæinn í dag og fram fóru tveir leikir, A og B lið. Byrjum á A.
Mörkin létu ekki á sér standa og létu heldur ekki bíða lengi eftir sér í viðureign A-liða UMFA og Selfosssss. Strax á 8. mínútu kemur kross af hægri vængnum og boltinn fer í gegnum teiginn og út að vinstra vítateigshorni og vinstri bakvörður Selfyssinga plasserar boltanum í samskeytin.
45 sekúndum síðar kemur Ægir niður og Elvar Ingi keyrir af stað og Ægir deliverar flottan bolta í hlaupaleið Elvars og eftir baráttu við varnarmenn Selfyssinga klárar Elvar færið vel og jafnar.
Selfyssingar voru meira með boltann í fyrri hálfleik og við vorum ekki nógu öruggir á boltanum en vorum þéttir og duglegir og gáfum fá færi á okkur. Selfyssingum tókst þó að skora annað mark fyrir leikhlé eftir klaufagang í teignum en mögulega var brotið á okkar manni í aðdraganda marksins en engu síður er aldrei vanmetið að hamra boltanum burt úr teignum.
Hálfleikstölur 1-2
Hart var barist í síðari hálfleik og við vorum áfram þéttir og duglegir og þrátt fyrir að hafa minna possession þá vorum við að loka ágætlega á þá og á köflum komu mjög góðir spilkaflar en kannski ekki skrýtið að menn hafi ekki náð neinum Barcelona-samba-takti enda fyrsti leikurinn í ca 2 mánuði.
Elvar Ingi jafnaði svo metin eftir að brotið hafði verið á Gunnari Andra í teignum en þar var um að ræða bakhrindingu eftir aukaspyrnu inn í teig. Elvar steig á punktinn og kláraði vel.
Maður hafði það alltaf á tilfinningunni að leikurinn myndi ekki enda 2-2 og reyndist sú tilfinning rétt enda kom sigurmarkið á 85. mínútu.
Siggi átti þá frábæran sprett um vænginn, beið í smástund og átti góðan kross fyrir og þar var enginn annar en títt nefndur Elvar Ingi mættur á fjær og skallaði/axlaði boltann í netið. 3-2
Selfyssingar gerðu hvað þeir gátu til að jafna metin en leiktíminn fjaraði út og okkar menn fögnuðu sigrinum vel.
Frammistaða liðsins var góð - sérstaklega varnarlega. Langflestir leikmenn voru harðduglegir og gerðu það sem lagt var upp með og hlupu af sér sokkana. Sóknarlega þurfum við enn að fínpússa aðeins en menn voru líka að þreifa hvor á öðrum með breyttum áherslum í dag.
Yfir heildina litið flottur leikur og við byggjum ofan á það jákvæða og lögum það neikvæða.
Maður leiksins: Elvar Ingi - þrenna.
Vængbrotið B-lið UMFA mætti skrýtnu B-liði Selfoss. Nokkrir byrjunarliðsmenn A-liðsins voru nefnilega varamenn í B-liði. Eins og gefur að skilja styrkti þetta B-lið Selfyssinga talsvert og við áttum erfitt uppdráttar. Við vorum mun minna með boltann og okkur gekk erfiðlega að skapa okkur færi. Hins vegar vörðumst við vel og má sérstaklega nefna vasklega framgöngu hafsentaparsins Kalla og Fannars Freys en nóg var að gera hjá þeim félögum í dag.
Hálfleikstölur voru 1-0 Selfyssingum í vil.
Nokkrir leikmenn UMFA í dag spiluðu sinn fyrsta leik í yfir 1 ár og ljóst að formið er ekki orðið 100% hjá einhverjum enda margir virkilega þreyttir í hálfleik.
Baráttan hélt áfram í síðari hálfleik og leikurinn fór að mestu fram á okkar eigin vallarhelming. Við vörðumst vel en Selfyssingar sóttu án afláts og sköpuðu sér mörg færi. Þeim tókst að skora 1 en hefðu í raun getað skorað fleiri.
Lokatölur 0-2 og er það vel sloppið miðað við gang leiksins ef maður á að vera hreinskilinn.
Menn leiksins: Kalli og Fannar Freyr - ómögulegt að gera upp á milli þeirra.